Loppa bibliotek

Lähekritiikki: Mikä on sikkari informasjuuni?

Luultavasti ei ole koskhaan ollu enämpi informasjuunia saatavilla ko meillä oon nyt. Silti oon joskus vaiva tietää kenheen saattaa luottaa. Lähekritiikki meinaa ette lukija oon kriittinen ja tutkii informasjuunin taustaa ennen ko käyttää, jakkaa taikka uskoo informasjuunhiin. Useasti met ajattelema ette bloggarit ja nettisivut saattaa antaa väärää tietoa, mutta met hääymä kans olla kriittisiä siihen mitä lujema kirjoista, raporteista ja aviisiartikkeleista.

«Kysymys ette tartteeko ihminen biblioteekkejä nyt ko on niin paljon informasjuunia saatavilla, oon melkein yhtä viisas kysymys ko se ette tartteeko ihminen tiekarttoja nyt ko on niin mahottoman paljon teitä.»

Jon Bing

kirjailija ja professori, Senter for rettsinformatikk, Universitetet i Oslo

Met suosittelema

Opeta lapsile lähekritiikistä

Dubestemmer.no opettaa lapsia olemhaan kriittisiä informasjuunhiin. Se oon Utdanningsdirektoratet ja Datatilsynet jokka oon sivun takana.  Luje enämpi sivulta dubestemmer.no

Studenterit ja raavhaat

Kildekompasset oon fiini paikka jossa voi oppia lähekritiikistä. Monet korkeakoulut ja universiteetit oon ollu sivuja pykkäämässä. Käy heän lähekritiikki-sivuila täältä.